"لا نحبك و لا نصبر عليك"
مشكلة برشة توانسة هي إنهم كيف يبداو فالخدمة يوليو يخممو فالراحة و كيف يرتاحو يولي مخهم فالخدمة لي مازالت. معناها لا ينجمو يركزو لا فالخدمة و لا ينجمو يرتاحو على قاعدة !
Publié le 01/07/2023, 22:10
صورة بعنوان "لا نحبك و لا نصبر عليك"
مشكلة برشة توانسة هي إنهم كيف يبداو فالخدمة يوليو يخممو فالراحة و كيف يرتاحو يولي مخهم فالخدمة لي مازالت.
معناها لا ينجمو يركزو لا فالخدمة و لا ينجمو يرتاحو على قاعدة !
الحاجة هاذي تصير خاصة وقتما الانسان يفقد النظام الحياتي متاعو و ما يعملش الي لازم يعملو في نهارو.
كلمة "خلي غدوة" هي من أكثر الأسباب لي تبني بطريقة تدريجية قلق يتبعنا و يكبر في حياتنا. مخ العبد يولي صباح و ليل مركز مع الحاجات لي ما عملهمش.. و قد ما يزيد يخمم فالقديم قد ما الجديد يتكدس معاه..
- ما فماش سر باش توقف بيه الحاجة هاذي : أعمل لي لازمك تعملو اليوم أكهو ! و كان قعدلك وقت في نهارك زيد حاجة مالقديم.
لازم نفهمو و إنو القلق متاعنا يتغذى مالماضي و مالحاجات لي ما نجموش نسيطرو عليها.. و لهذا أعطي لروحك اليوما الفرصة باش تسيطر على نهارك و علي تنجم تعملو، و مبعد إبدأ صفي لقديم !
Les informations fournies sur mpsy.net ne sont en aucun cas destinées à remplacer la relation entre un patient et son psychologue. mpsy.net ne promeut aucun traitement spécifique, produit commercial ou service en particulier.