هذي مش العادة السرية هذي العادة الغريبة
Publiée le 15/05/2023, 21:19
انا طفلة وعمري 22 سنة بش نحكي لحكاية هذي لاول مرة في حياتي انا طفلة عادية شخصيتي بين عايلتي وصحابي باهية معاهم طيبة serviable فرفوشة وديما نوري شخصيتي القوية مش معنتها نوريهم لي انا شريرة اما ديما نبان انو انا كاسحة ومانسكتش على الحق رغم اني طيبة علخر وحساسة برشااا من داخل وحتى كي تصير مشكلة بيني وبين حد مستحيل نبلعها ونسكت انا من ناس لي نرد فعل لحقيقة لكن في بعض احيان كيف تصير مشكلة بيني وبين حد ومايصيرش بينتنا اكا مقابلة متع انو نبرد قلبي نولي نحكامو في مخيلتي انا في مخيلتي نولي المسيطرة ... وفي خيالي نتخيل انو نذل الشخص هذا ونعذبو ونشيخ علخر في مخي (لين ولاتلي عادة كيف ما ناس عندها ادمان على عادة السرية انا عندي ادمان على هالمحكامة هذي" الغريبة" يمكن خاطر منعرش هل فما كيفي او لا ) تو راو docteur تقرى انت و ناس وتخممو لي انا سادية .. لا انا عمري لا حسيت روحي سادية وفي حياتي عادية عمري ما خممت نضر ناس لي دايرة بيا ولا تلذذت نهار بوجاعة حد بالعكس نسامح فيسع وكيف ما يقولو دمعتي على اشفار ساعات حد يبكي نبكي معاه . بش نعطيكم exemple بش تزيدو تفهمو . مثالا وحدة من صحباتي كنت معاها اكثر من اخت وقفت معاها في مرضتها ونحبها ونخاف علاها ونشريلها معايا وعشرتها وكاينو اختي في عامت باك انا نجحت وهي طاحت كنترول تقلبت عليا معاش تحكي معايا ولات تحكي لاصحابنا عليا وهما يرجعولي كلام و تهبط في ستاتويات على فيس بوك وترمي معنى انا طفيتها ما وجهتهاش خاطر ماعندي ما عمتلها وجيدت روحي لكن الحق غضتني ومابردتش قلبي و وليت ساعات نتخيلها في مخي ونعذبها ونذلها في خيالي ونشييييخ وبرشا عباد اخرين عملولي حاجات هكة نحاكمهم في خيالي وحدي رغم متأكدة كان جاو وتواجهت معاهم في الحقيقة وبردت قلبي وقلت وقالو شعندهم وطلبو سماح نسامحهم . زعمة باش تنجمو تفسرو؟ وزعمة انا برك هكة.؟
Commentaires
Auteur
16/05/2023, 00:25Dr. يهمني رايك
Auteur
16/05/2023, 00:53ماتترددوش بش تتفاعلو معايا 🤍
Utilisateur anonyme
16/05/2023, 09:57Netsawar mekch wa7dek, ena je suis un peu pareil, man7ebech ndhor la3bed mahma kenet el 3amla elli 3malheli, ama bsifti ensen netnarvaz barcha nwalli fi mokhi nseb el 3abd elli ydhorni w netkhayal rou7i nadhrab fih lin nerte7. Bon mawseltech ldarjet nchikh fi mokhi, ama n7es rou7i rte7t mel dakhel w en quelque sorte sama7t el 3abd heka ba3ad mafaraght fih ghochi mel dakhel. Ki nkhammam fiha le7keya n9oul hia 7aja terja3 men tabi3et el ensen, elli houa may7ebech el dholm w 3andou tendance lel 3onf, mais vu akhla9ek w le besoin ennek t3ich fi société l9it une autre façon bech takhla9 satisfaction lrou7ek maghir matdhor la3bed lokhrin. Ama hedha juste un avis personnel, ennajam nkoun ghalet.
Utilisateur anonyme
28/05/2023, 14:39ماكش وحدك، حتى انا ياما تخيلت روحي نعذب في أمي و بابا خاطر ضربوني ولا وجعوني، و خواتي زاده، و اي انسان عجبني و هو عمل معايا الخايب و اي شخص كنت قريبتلو طفلة ولا طفل و مهما مانت العلاقة، صداقة ولا حب ولا مصلحة... اي عبد ضرني تخيلت كيفاه نعذبو و كيفاه نقتلو.. و مشى في بالي انا وحدي.. ياخي طلع فما شكون كيفي و يمكن هي طريقة للانتقام بش القلب يبرد من غير ما نضرو العباد اذوكم
Publications similaires
Ma naarech kifeh bch nabda na7ki awl mara bch na7ki fih el sujet dima n5af 7ata n5amem fih bini w bin rouhi ama berasmi t3ebt Behi 7keyti : ena tofla trabit 3al islem w 3al 3adet w ta9alid ama w ena be9ya nekber 7assit eli 3andi des sentiments ll bnet ama mouch ay tofla. Kif nwali s7ab ena w wahda w twali tehtam biya w de mm ena nehtam biha s7ab mou9arbin yaani ena nwali nheb fiha nwali nghir 3l...
6785سلام تنجم تحكيلنا في فيديو يكون على الإنستقرام مثلا يكون فيه مخاطر مادة الزطلة و طريقة الاقلاع عنها راهي ولات آفة في المجتمع
557Bich nebde ne7ki mili sefert l masr bich ne5dem : FullStack Web Developer modet 3 chehour, kont ane w we7de5er min brazil, les etrangères ili ne5dmo f cherike hedhike, kone s7ab 3adi, 9arene kol chay bin tunis w brazil, 7kine f kol chay, noftro meb3adhne nraw7o meb3adhne, n7awso f weekend meb3adhne, feme mawdhou3 9bel menerje3 ane fih l tunis, 7kine fih, howe 3ale9a 9abela zawej, howe 9al it's nor...
3314N7eeb tafsiir 🥲 Dima 3andi khouf mn 8ir sbab nkoun 9a3da 3adi nwali n7es b 9la9 w stress w e7ses dra kifh fi 9albi wla fi ma3dty 7ata kif isir maw9ef ma ye3jbnich ma3 ay 3abed mel 3ayla net9ala9 w tab9a la7kya fi mo5i w ma njmch n5arajha W 7ata f noum sa3at ma najmch nor9d itir 3lia noum nab9a net9aleb fl farch w kol mara se9i tor3ch (7aja dima 3andi menha lezm nbda net7ark ya3no yedi wla se9i ...
31296ملي حلي عينيا و أنا ناكل في المسبط . حاولت برشا بش نكتبلك. أنا عمري 32سنة أما تاعب في حياتي حتى الطفلة لي معايا غالكة فيا مسكينة . ملي حليت عنايا و أنا نعني فيه . خلاني أسفل السافلين ضربني هنتلني حقرني عذبني كلو بحجة القراية.أنا في المكتب ناجح ىول في المعتمدية متاعنا أما ناكل في الضرب و البخس ما نعرش علاه . سنين ما يعيطليش بإسمي يعيطلي يا راس اللحم يا بهيم يا مارس الطويل . تعبت ما لقيتش الحل . نكر...
3212