ME3ADECH 3INI NE3MIL 7ATE CHAY, ME3ADECH 3ANDI HEDEF N3ICH 3LE 5ATRO

Bich nebde ne7ki mili sefert l masr bich ne5dem : FullStack Web Developer modet 3 chehour, kont ane w we7de5er min brazil, les etrangères ili ne5dmo f cherike hedhike, kone s7ab 3adi, 9arene kol chay bin tunis w brazil, 7kine f kol chay, noftro meb3adhne nraw7o meb3adhne, n7awso f weekend meb3adhne, feme mawdhou3 9bel menerje3 ane fih l tunis, 7kine fih, howe 3ale9a 9abela zawej, howe 9al it's normal, w ane ne3ref hedhe ame ane we9tehe 3tito barche 7ojej minhe diniye, 9otlo zede 3le ser mte3 baba 9ali bouk moch openmind, 9otlo baba openmind ame howe moslim, me7abitech f baba w 9otlo kifeh te3tebro rwe7kom mesi7iyin w entom te3mlo f zine w hedhe mo7arem f ktebkom injil w le tsomo w le tsaliw (howe mol7id). Ki rawe7t l tunis, nel9ah hebet 3liye video 3le youtube, 9al fih ken jomle le5ra ili ane 9oltehe 3le mesi7iyin, ili ken me9alich 3le baba hekeke ane le3omri n9ol leklem hedheke, 9al chkoun hia bich to7kom 3line a7ne mesi7iyin wele, hia moch rabi bich to7kom, (wele tawe ye3rfo rabi), w ba3d 9al ser mte3 baba ili 9olteholo, ba3d 3ade partie sghira we9t ane noftor ane weyeh, mweri fehe wejhi bilwedhe7, ki rit video, tnervezt, 9olt 3leh 3mel heke w ane 3amle m3ah ken lbehi, me5afech ye5serni, fes5o video min youtube, w me3awednech 7kine jimle. mchit l coach de vie bich ne3mil formation f tatwir dhet (par whatsapp) ba3d mode, k 7al w inti9am lih, coach nsa7ni bich ne3mil sport w ne3mil s7ab, ba3d wele dawro kime sa7ibti, meye3tini f 7ate plus, ne7kiw 3adi w zid dhe7ak 3liye w ane s2ilto f 7aje sérieuse, s2ilto ba3d nharin, chnowe ken program séance 5ater just 7kine w hedhi formation f tetwir dhet, 9ali rani n3adilek ame feme limite, mezetli m3ah seance 5alsa dejà, me3meltehech 5ater me3adech nejem ne7ki m3ah, mchit de5elt f club bich net3alim kung fu bich nzid thi9ti f nefsi, 3ijbetni w l9it fehe ro7i, w tme7t bich ne5o medaliyet, w 9olt hedhi hia hiweyti l9itehe enfin, f chehar theni, coach s2ilne 3le a3marne, ki 9otlo ane 29 sne, s7abi lkol terch9o b dho7k w 7ate min coach bhit 5ater ane akber mino b 4 snin, 3melt ro7i mefibelich w howe ye7kiw f dhehri, t9ale9t barche ki rawe7t, lin mara coach nse7ni bich ne3mil natation 5ater tedhrebt 3le dhahri, ye5i darli tfol sghir 9alo metnejamch ye coach, hia 3morhe 30 sne w 9rib tweli 80 sne, mochkle moch ghadi, ane me5dhitech 3lih tfol, coach dhe7ak w 9ali radik 3zoze, tesdamt fih, twe9a3t bich ydefe3 3liye, wene nra fih 7aje kbira, ki rawe7t 7asit ro7i me3inich bich nkamil ne3mil kung fu, wele ne5o medaliyet, 7ate kont mbermje ini ne3mil natation w ne3mil danse, me3adech 3ini f 7ate chay, kraht kol chay, mochkolti kol chay ne3mlo b kif w ane me3adech 3andi kif l 7ate chay, tawe me3adech 3andi 7ate hedef f 7yeti n3ich 3le 5atro, me3adech 3andi créativité, me3adech 3andi kil 7amese bich nfi9 3leye f sbe7, n7is ro7i we9fe w denye tejri w ane yelzimni net7arek, chnowe hedef ili min ba3do, 3awnoni 7ate b me3lome tfidni, n7ib 7ad ye3tini plus ili ane ne3tih les7abi w mel9itech 7ad ye3tihali