ماكش مكينة !
! فما فكرة تولدت في عصرنا هذا و تقول : لازمك كل نهار تعطي ما عندك الفكرة هاذي خلات برشة ناس يدخلو في دوامة متاع تأنيب ضمير و جلد ذاتي..
Publié le 01/07/2023, 21:49
ماكش مطالب باش تعطي أحسن ما فيك كل نهار !
الفكرة متاع عصرنا لي تقول و انو لازم كل نهار خير ملي قبلو و الي لازمك كل يوم تعمل خطوة لقدام هي فكرة سامة.
ساعات فما أيامات فين الانسان باش يحس روحو تاعب أو ما عندوش الطاقة اللازمة باش يواجه بعض الأشياء.. فالفترة هذيكا لازمو يكون استراتيجي و يعرف كيفاه و قداه يرتاح.
حاجة مالحاجات لي تسبب الأضرار النفسية و الإنهاك العصبي فالخدمة و غيرو هي وقتما نعطيو أكثر من طاقتنا و نتناساو رواحنا.
و لهذا كيما الخدمة، الراحة زادة هي فن ما يتقنوش الي يجي !
فكرة العصر متاع أعطي من روحك يوميا من غير راحة و كون صعيب ديما مع نفسك، ما جابتش التميّز أكثر من انها جابت الشعور بالفراغ كيف نلقاو رواحنا فارغين فالاخر..
Les informations fournies sur mpsy.net ne sont en aucun cas destinées à remplacer la relation entre un patient et son psychologue. mpsy.net ne promeut aucun traitement spécifique, produit commercial ou service en particulier.