Mon partenaire mehouch lehi beya
Publiée le 22/05/2023, 14:15
Mon partenaire dima lehy shih howa ye5dem w fama dha8et 5edma ama juste 6h/j ena nabda haka hata fi beli enu bech yahki m3aya wla bech tfa9edni w howa nn yetfakerni fi 11 mte3 lil kif ykamil min l9ahwa juste y9ouli konit lehy w kol youm chey hedha ena nhes rou7i mouch min awlawiyeto w chy hedha m9ale9ni barcha ama najemch netkalim 5ater bech y9ouli heka lmawjoud w ena lehy wne5dem une solution svp
Mr. le Psy
عسلامة، أولا نشكرك لي طرحت موضوع و نقطة مهمة و متواجدة في برشة علاقات. بخلال الحصص لي نعملهم مع الأزواج أو لزوز أشخاص في علاقة، فما زوز قواعد ديما نذكر بيهم. أول قاعدة : كل طرف فالعلاقة عامة يمشي في بالو لي هو على حق ! القاعدة هاذي مهمة و لازم ديما في نتفكروها على خاتر عامة هي الي باش تسببلنا برشة نزاعات. القاعدة الثانية : بناء علاقة يعني الموافقة إنو يصير تداخل بين الحدود متاعنا و الحدود متاع الشخص لي معانا. بلغة أوضح كيف نقبلو إنو نبنيو علاقة لازم نقبلو إنو الحدود متاعنا (كمية الوقت لي نخصصوها لأنفسنا أو لغيرنا، نظرتنا للعلاقات، المخاوف لي تخصنا و غيرو..) باش تتأثر و تتبدل للطرفين. كيف نقولو تتأثر ما نقصدوش سلبيا أكثر من إنو نقصدو و إنو باش تصير إعادة برمجة ليهم، بما أنو فما شخص باش ندخلوه لحياتنا و باش ياخو مكانة مهمة فيها. بالنسبة لإعادة برمجة الحدود الشخصية والمشتركة تنجم تصير فيهم تعطيلات أو مشاكل كان القاعدة الأولى تأثر عالثانية. فالحالة هاذي كان فما طرف أو زوز أطراف فالعلاقة متشبثين بحدودهم الشخصية (ما قبل العلاقة) و يرفضو رفضا باتا فكرة التغير، وقتها مهم و إنو نقعدو و نعاودو نتناقشو فالزوز قواعد لي حكيناهم مالأول. مهم برشة زادة إنو نقبلو أنو بعض الناس مهاش مستعدة تبدل أو تلقى حل وسط باش تبني العلاقة على أسس صحيحة. هوني بالذات لازمنا نقبلو وأنو ما نجموش نبدلو مالشخص كان هو بيدو مزال متشبث بفكرتو. آخر نقطة، الحصص مع مختص فالصحة النفسية لي تلم الطرفين هي حل مالحلول لي تنجم تعاونا. في وسط الحصة باش يكون هدف من أهداف الأخصائي إنو يعاون الطرفين على التعبير على نظرتهم الشخصية لآخر و على نظرتهم عالعلاقة و التعبير على أحاسيسهم. الحاجة هاذي من شأنها انها توضح النظرة المتبادلة الي ممكن ساعات تكون مهاش واضحة و زيد تسهل التواصل و إيجاد حلول مناسبة.
Commentaires
Utilisateur anonyme
22/05/2023, 16:47Waw merci pour cette analyse ! constuire un couple est vraiment pas facile. Merci Mr psy pour vos conseils
Utilisateur anonyme
22/05/2023, 17:28Awel haja exprime ton malaise w hawel fassarlou doucement eli ça te gêne, mosh bel aark. Hawel fahmou le malaise w chouf comment il réagit. Tnajmou zeda twaliw taamlou des rendez-vous par exemple vous vous dites tous les jours il y a 30 minutes d’appel à 22h, w vous vous promettez w maintenir le rendez-vous allahoma cas extrême, ajoute de l’organisation à votre quotidien et analyse les réactions de ton partenaire, idha ikoun réactif tant mieux, idha il ne réagit pas lezem tshoufou hal
Utilisateur anonyme
24/05/2023, 20:33Ena t3adit b nafs tajrbtej d'ailleurs M3ndich jm3a mli 9asitha m3ah.. Hasitou ahsen hal nerbah rahti beli aham haja.. Kif ton partenaire bedhabt ykhdem ykml makher o te3b o heki ect.. Hawelt netfahmou ena bidi lehya f barsha hajet mais kont dima nal9awlou wa9t kont nestana wa9teh yji bsh nahkiw khtr haja importante f hyeti mais houwa je pense nn.. Hkit M3aha bsaraha o 9otlou eli ya3ml fih mesh 3ajbni 9otlou rani hawelt nfhemk o kol mnahki m3ah y9oli na3rf m9aser m3ak o samahni o ena ghalet mloul Kent ta3bni haja hedhi eli feya9 brouhou eli ya3ml fih ghalet heka aaleh déjà 3aditlou barsha marat.. Mais kelmt samahni 3andou walet kima Salem ena n9oul haja o houwa y9oli direct samahni na3rf ena ghalet tellement lhassitou 9oulha juste bsh ysaktni m3inouch bch yahki o yneqesh et surtout wala ysaker cnx zeda o yben f messenger k wehed ysaker cnx.. Hasilou chla9t bih o 3awdt hikit m3ah une foie pour toute 9otlou rani m3ash na3ti des chances ya tetsalh ya mesh lezem...9ali oui o na3ml o kehdhe mm pas 5min o 3awed saker cnx bsh myahkich m3aya ama b9a cncte 😂 sayé 3ad haka m3ash feha klem okhtchi tafit ou 3la 3 msg m3ash jewbtou baed 9otlou kol wehed 3la rouhou.. ena mesh mest3ada ndhaya3 wa9ti o rahet beli 3la 3abed mesh 7asebni parmi les priorités mt3ou mnardhahech f rouhy
Publications similaires
Ma naarech kifeh bch nabda na7ki awl mara bch na7ki fih el sujet dima n5af 7ata n5amem fih bini w bin rouhi ama berasmi t3ebt Behi 7keyti : ena tofla trabit 3al islem w 3al 3adet w ta9alid ama w ena be9ya nekber 7assit eli 3andi des sentiments ll bnet ama mouch ay tofla. Kif nwali s7ab ena w wahda w twali tehtam biya w de mm ena nehtam biha s7ab mou9arbin yaani ena nwali nheb fiha nwali nghir 3l...
6785عندي 3 سنين مخطوبة توا و صحيح نحبو بعضنا على اول ما عرفتو حشام برشا للدرجة كي نبداو معا مجموعة ما يحكيش ما يفدلكش ديما ساكت ليمات لولى كان هكا هكا بيا و توا بطول المدة نقص هو صحيح موش مقصر بحكم الخدمة و الضغط اما كيما نقولو قبل كان عامل مجهود و توا عادي نكذب كان نقلك مانيش خرنانة خاتر بعد ساعات كيف نراه يروح مالخدمة كل يوم في نفس الوقت و نفس الروتين مثال نهار باش يخرج يتفرهد مع اصحابو نغزل ...
1114دكتور ..كان تنجم توضحلنا الفرق بين الحب والتعلق انا كنت في علاقة مع شخص استانست بيه لكن احساس الحب ماكانش قوي ياخي قصيتها لكن بقا التواصل لمدة سنة لين الطرف المقابل طلب انو ينتهي التواصل تماما ومن وقتها انا تو عندي مدة مكتئب وفي تعب كبير ..منعرش اش نتصرف
1721Ena dkhalet f relation maa had kol chay ken parfait alkher hata lin nhar ektachfet l howa maares w moch ena l f9et sahbty Sart machkel w 9ali ma9oltch khater manhbech nfased l bina w barcha kleem … w ena man3ichch f tunis n3ich bara w maandi hata had ken howa f hyeti hata sh’hab maandich tgachcht w hawel nebeed ama manjmtch nhes 9alby bech y9ef ki nfaker feha kamlet maah w 9olt eli bech ysir khal...
1104Ani nhb tfol meli na9ra 9eme w ken mloul hob men taraaff wehed w taw 3omri 23 w mezelna nahkiw etawret l'3ale9e fl'3amin le5renin mais menaarach aaleh ki e9oli mithell nhbk walla ay haja teb3a lhob fi de5iliti mensad9ouch bera8m nafrah ama nhs rouhi mensada9ch mefhemtch aaleh ???
142