عشت علاقة حب أما...

للتو مازلت عايشتها في داخلي العلاقة و محبتش تتنحى...عشت علاقة حب مع انسان مريض نفساني.. ع لول كنا صحيبات و بعد بشوية بشوية طورت العلاقة...من صحيبات للعلاقة حب... بشوية بشوية لقيتو يتصرف معايا بتصرفات بيزار شوية قلت بالك طبيعتو هكك.. يحب يقعد ديمة وحدو... ما يحبش لا يخرج ولا شي.. و حتى كان خرج يخرج يعمل قهوة وحدو ولا معايا أنا.. لمشاعر ع لول كانت متبادلة وبعد تبدلت شوية... لمهم جا نهار و صارحني فيه الي هو مريض بالوسواس القهري.. ع لول مفهمت شي و دخلت بعضي اما قلت نورمال اي انسان يتعدى بمرحلة نفسانية... قالي خمم في روحك و ابعد خاتر كل مرة تجيه période يخليه مضغوط من كل شي... ما خممتش في الشي هاكا اما قلت نحاول نقرى ع المرض هذا و نحاول نولي كيفاش نتصرف معاااه... حاولت معاه باش يمشي طبيب نفساني اما محبش لأسباب عضوية و خايف م دوايات.. حاطط روحو انو يقاوم فيه بنفسيتو و بسبور... قلت حاجة باهية سبورو اما الى متى؟ حاطط فكرة لمخو الي هو باش يعيش معاه الوسواس هاكا و موش باش يبرى منو... حاببني نبعد عليه باش ما نتعبش و ما يأثرش فيا... و زيد ساعات يحس انو بنة الحب معايا موش حاسس بيها.. وساعات العكس... تجيه période يحب يقعد فيهت و بعد يحب يولي يرجعلي ... انا هذا الكل نتجاوزو اما هو ما نجمش نراه في الحالة هاكي و حتى كان بعدت انا نفس الحالة باش يعيشها... نحبو يتعالج اما موش حابب يسمع كلامي... انا نحبو و مؤمنة باش يجي نهار و يبرى منو الوسواس القهري الي كل يوم عامل عليه ضغط و قلق كبيير و يعطيه فكرة باش يعملها par exemple يعطيه فكرة تافهة ... و الفكرة الي عطاهالو عليا انو باش يتعبني معاه و مسؤولية و عرس و رودبالك و ابعد اما هو حابب يعمل العكس و موش فاهم روحو... خايفة كان نهزو انا l psy من غير ما فيبالو .. نحطو قدام الامر الواقع اما نخاف لا يتغشش مني .. مشى قبل l psy و ما عجبوش خاتر ما يحبش يشرب الدول لأسباب عضوية .. ياخي بطل و قعد ع الحالة هاكي من 2016 و هو يقاوم اما الى متى باش يقعد هكا... انا نحبو و الحاجة الي تتمناها يبرى من المرض هذا بشوية بشوية حتى ينجم يخرج و يعيش و يشوف حلاوة الدنيا... انا صحيح تأثرت شوية و نفسيتي تقلقت اما موش خاترو هو هكك .. خاتر ما نجمش نراه في الحالة هاكي كي نراه فب الحالة هاكي نتعب... حبيتو و حابة نعاونو اما مانيش عارفة كيفاش... شوفلي حل